A keni kaluar ndonjëherë me orë të tëra para pasqyrës duke u përpjekur të vendosni qerpikë artificial, vetëm për të përfunduar me rezultate të çuditshme, ose më keq të bien plotësisht pas disa orësh? Për shkak se teknika e vendosjes së qerpikëve artificial është e vështirë për t'u zotëruar, artistja e grimit Gia Brascia tregon këshillat e saj.
- Para se të bëni ndonjë gjë tjetër, matni gjatësinë e qerpikëve për t'u siguruar që i përshtatet formës së syve tuaj. Nëse shiriti duhet të pritet për t'u përshtatur, këputni skajin e jashtëm plotësisht me gërshërë të vogla thonjve. Kjo do të shmangë rënien në cep.
- Merrni të dy skajet e qerpikëve dhe përkuluni nga brenda për të krijuar një formë "C" dhe mbajeni për disa sekonda. Kjo është mënyra më e mirë për tu siguruar që ajo të përshtatet në formën e syve tanë dhe të qëndrojë pa u ngritur qoshet lart. Vetëm kjo e lehtëson shumë procesin.
- Aplikoni një ngjitës me cilësi të lartë si ngjitës qerpikësh DUO për rezultate të qëndrueshme. Nëse keni një dorë të qëndrueshme, mund ta aplikoni direkt nga tubi në shirit. Mirëpo, nëse keni tendencë të dridheni këtu është një trik i lehtë: vendosni ngjitësin në anën e pasme të një piskatoreje dhe rrëshqitni nëpër shirit, njësoj si në foto. Aplikoni mjaftueshëm si në qoshet e brendshme ashtu edhe në ato të jashtme, në mënyrë që ngjitësi të mos hiqet kur të mbyllni sytë.
- Prisni rreth dhjetë sekonda që ngjitësi të thahet paksa (mund ta fryni ose ta tundni butësisht në ajër) përpara se të vendosni qerpikun. Kjo është mënyra më e mirë për të parandaluar rrëshqitjen e tyre ndërkohë që po përpiqeni ta rreshtoni siç duhet.
- Synoni bazën e linjës suaj natyrale të qerpikëve, pikërisht mbi qerpikët tuaj të vërtetë, duke mos prekur fare qepallën. Është i tejdukshëm, ndaj mos u shqetësoni nëse bie pak në lëkurë.
- Pasi të keni vendosur të dy qerpikët, mund të aplikoni maskarën; kjo do të ndihmojë në integrimin e qerpikëve natyralë me ato artificial.
- Nëse shihni një hapësirë që shfaqet në qepallë midis qerpikëve tuaj të vërtetë dhe atyre fals, mos u shqetësoni! Nuk është e nevojshme ta largoni dhe të filloni përsëri, thotë Brascia. Mjafton të plotësoni boshllëkun, duke përdorur një hije të syve me ngjyrë të zezë mat për ta fshehur atë. Ky hap do të ndihmojë gjithashtu që ngjitësi të thahet më shpejt.
Këshilla për heqjen e qerpikëve artificial: Gjithmonë hiqni qerpikët e rremë përpara se të hiqni pjesën tjetër të grimit të syve. Fillimisht zbutni ngjitësin me një shtupë pambuku që është lagur në një pastrues grimi me vaj. Lyejeni shtupën përgjatë vijës së qerpikëve për të liruar ngjitësin dhe për të prishur ngjitjen e tij. Me sy hapur, kapni qerpikët në majë të këndit të jashtëm. Më pas mbyllni sytë dhe largoni shumë ngadalë shiritin nga qerpiku juaj i vërtetë, duke filluar nga këndi i jashtëm në atë të brendshëm.
Burimi: Beautylish.com
