WORLDWIDE SHIPPING
Për herë të parë në historinë e tregut të kozmetikës në rajonin e Ballkanit, ne kemi filluar edhe me shërbimin e ri të transportimit të produkteve në të gjithë botën (WORLDWIDE SHIPPING), në mënyrë që të jemi sa më afër klientëve tanë.

Kompania e jonë ka arritur të lidhë marrëveshje bashkëpunimi për transportin e produkteve në të gjithë botën me DHL dhe me Posta e Kosovës Sh.A.

DHL është e pranishme në mbi 220 shtete dhe territore përgjatë gjithë globit, duke e bërë atë kompaninë më të madhe transportuese në botë. Me numër të personelit që e tejkalon shumë prej 350,000 vetash, DHL ju sjellë zgjidhje për një mori kërkesash sa i përket fushës së transportit.

Posta e Kosovës Sh.A. njihet për cilësi dhe besueshmëri jo vetëm në rajon, por edhe më gjerë, duke i përmbushur kërkesat e Bashkimit Evropian për cilësi dhe standarde. Posta e Kosovës Sh.A. ofron shërbime postare dhe shërbime tjera komerciale për qytetarët, bizneset, institucionet dhe organizatat e ndryshme në tregun vendor dhe atë ndërkombëtar, duke ofruar shërbime të standardeve të larta dhe shërbime inovative në hap me kërkesat e tregut, krahas zhvillimeve më të reja në teknologjinë informative.

BRENDA KOSOVËS – Dërgesat brenda territorit të Kosovës do të arrijnë për 24 orë pune.

SHTETET FQINJE (Shqipëri, Maqedoni, Serbi & Mal të Zi):

a. DHL – Dërgesat e porosive në shtetet fqinje do të arrijnë tek destinacioni i kërkuar për 24 orë pune.

b. POSTA E KOSOVËS Sh.A. – Dërgesat e porosive në shtetet fqinje do të arrijnë tek destinacioni i kërkuar më së largu brenda 10 ditë pune.
Shënim: Në bazë të përvojës sonë, dërgesat në 99% të rasteve arrijnë brenda 3-4 ditësh.

SHTETET EVROPIANE:

a. DHL – Dërgesat e porosive në shtetet europiane do të arrijnë tek destinacioni i kërkuar për 24 orë pune.

b. POSTA E KOSOVËS Sh.A. – Dërgesat e porosive në shtetet evropiane do të arrijnë tek destinacioni i kërkuar më së largu brenda 15 ditë pune.
Shënim: Në bazë të përvojës sonë, dërgesat në 99% të rasteve arrijnë brenda 7-10 ditësh.

SHTETET E TJERA:

a. DHL – Dërgesat e porosive në të gjitha shtetet e tjera të botës do të arrijnë tek destinacioni i kërkuar për 48 orë pune.

b. POSTA E KOSOVËS Sh.A. – Dërgesat e porosive në të gjitha shtetet e tjera do të arrijnë tek destinacioni i kërkuar më së largu brenda 30 ditë pune.
Shënim: Në bazë të përvojës sonë, dërgesat në 99% të rasteve arrijnë brenda 10-15 ditësh.

TRANSPORTI GRATIS
Transporti është GRATIS për të gjitha blerjet mbi €9.99. Për çdo blerje nën këtë shumë transporti paguhet plus €2.49 dhe vlen për të gjithë territorin e Republikës së Kosovës.