Provoni këtë trend me gërsheta të stilit retro gjatë sezonit të verës. Ju mund ta keni parë këtë stil të theksuar në fijet e gjata, të drejta ose me onde, gjithsesi duket i shkëlqyeshëm edhe në lloje dhe gjatësi të ndryshme flokësh.
Rregulloni flokët tuaj me këto stile të lehta me gërsheta për gjatësi të shkurtra dhe të mesme me opsione të gjithanshme. Plus, mbajini këto stile në arsenalin tuaj edhe për sezonet tjera.
Gjysmë lart, gjysmë poshtë me skajet e kthyera 
Ju mund të mendoni se gërshetat që përkufizohen me fytyrën shkojnë mirë vetëm me flokë super të gjatë, gabim! Flokët me stili bob dhe lob gjithashtu mund të duken shumë bukur.
Së pari, ndani flokët në mes. Ndani flokët për të krijuar një bisht gjysmë lart, gjysmë poshtë. Përpara se ta fiksoni me një shirit flokësh ose skrunchie, lërini jashtë disa fije të vogla, sigurohuni që të ndani flokë mjaftueshëm për të krijuar gërsheta të vogla.
Nëse fijet e flokëve rreth fytyrës tuaj janë shumë të shkurtra, aplikoni pak pomade dhe tërhiqni flokët përpara nga rreth një centimetër pas vijës së flokëve për t'i gërshetuar.
Më pas bëjini gërshetat, nuk duhet të jenë aq perfekte. Sigurojeni me elastikë ose shtoni një sasi të vogël xheli në fijet tuaja përpara se t'i gërshetoni dhe lërini të lirshme. Ktheni majat e flokëve me një drejtuese dhe sigurojeni stilin me një llak flokësh.
Bishtaleca gjysmë lart, gjysmë poshtë 
Lagni flokët, aplikoni një xhel që përkufizon kaçurrelat dhe shtrëngoni ato lart. Ndani flokët në mes dhe ndani një grusht të vogël flokësh në të dyja anët, duke lënë jashtë disa fije flokëve për rreth fytyrës (mjaftueshëm flokë për t'u gërshetuar!). Lëreni pjesën e mbetur të flokëve tuaj poshtë.
Më pas, fiksojini bishtalecat dhe sigurojini me kapëse elastike. Gërshetoni fijet përgjatë fytyrës dhe fiksoni me një kapëse elastike ose lërini të lirshme. Përdorni një difuzer për më shumë volum.
Topuz me gjemba 
Me këtë topuz të ulët me gjemba visheni me syze dielli dhe sandale me platformë për një pamje të frymëzuar nga një ditë vere në fillim të viteve 2000.
Ndani flokët në anën tuaj të preferuar dhe merrni fijet nga rreth një inç pas vijës së flokëve. Tërhiqni ato përpara, shtoni pak xhel dhe gërshetoni.
Mblidhni flokët në dy bishta të ulët (duke lënë jashtë fijet e gërshetuara) dhe fiksoni me një kapëse elastike. Mbështillini flokët rreth llastikut për të krijuar dy topuz me majat e lëna jashtë.
Sigurojeni topuzët me një llastik tjetër. Shtojini më shumë dramë pamjes me gjemba duke drejtuar skajet që dalin jashtë dhe duke i fiksuar me gell.
Topuz voluminoze kaçurrela 
Lagni fijet e flokëve tuaj dhe më pas krihni flokët me një kondicioner pa shpëlarje për kaçurrela. Mblidhni flokët tuaj në një bisht të lartë dhe sigurojeni me një skrunchie. Sigurohuni që të lini jashtë fijet e flokëve për rreth fytyrës tuaj.
Me tela flokësh, filloni të fiksoni lirshëm fijet kaçurrela rreth llastikut tuaj për të krijuar një topuz voluminoz. Gërshetoni fijet rreth fytyrës dhe sigurojini me një llastik të vogël ose thjesht lërini të lira.
Burimi: Beautylish.com
