Nëse keni lëkurë të prirur ndaj akneve, e dini se sa frustruese mund të jetë kërkimi për lëkurë të pastër. Ndërsa ju mund të kërkoni vazhdimisht këshillat më të reja dhe më të dëshmuara se si të ndihmoni në trajtimin e njollave të akneve, ndoshta e gjeni veten të zhgënjyer kur ajo që funksionon për të tjerët nuk duket se ka të njëjtin efekt në lëkurën tuaj. Lajmi i mirë është se ka hapa që mund të ndërmerrni për t'ju ndihmuar në menaxhimin e lëkurës së prirur ndaj akneve, dhe gjithçka fillon me të kuptuarit se çfarë fshihet pas puçrrave tuaja fillimisht.
Çfarë mund të shkaktojë Aknet?
Sipas Akademisë Amerikane të Dermatologjisë (AAD), afërsisht 40 deri në 50 milionë amerikanë do të përjetojnë akne në çdo kohë. Pra, çfarë mund t'i shkaktojë ato? Epo, AAD thotë se aknet mund të shfaqen kur një nga poret e lëkurës tuaj bllokohet. Mirëpo, si bllokohet një pore, saktësisht? Kjo mund të ndodhë kur qelizat e vdekura të lëkurës mblidhen dhe bllokojnë poret. AAD gjithashtu thotë se ndonjëherë bakteret në lëkurë mund të futen brenda një pore të bllokuar, dhe kur kjo ndodh, poret mund të inflamohen, duke rezultuar në shfaqjen e një akneje.
Çfarë do të thotë të jesh i prirur ndaj akneve?
Për të rregulluar lëkurën, duhet të dini se në cilën shkallë të akneve qëndron. Pra, nëse keni pyetur veten se çfarë do të thotë të jesh i prirur ndaj akneve, është koha të dëgjoni. Termi lëkurë e prirur ndaj akneve ka të bëjë me një ten që ka më shumë gjasa të ketë puçrra rregullisht. Megjithatë, lëkura juaj nuk ka puçrra sepse është e prirur ndaj akneve. Këto mund të ndodhin për shumë arsye. Gjëra të tilla si stresi, produktet e kujdesit të lëkurës ose mos ndërrimi i çarçafëve mund të shkaktojnë shfaqjen e akneve.
Si mund ta di nëse kam lëkurë të prirur ndaj akneve?
Tani që e dini se çfarë do të thot lëkura e prirur ndaj akneve, ndoshta ka një pyetje djegëse për të cilën keni nevojë për një përgjigje: "Si mund ta di nëse kam lëkurë të prirur ndaj akneve?" E vërteta është se identifikimi i lëkurës së prirur ndaj akneve është në fakt shumë i thjeshtë. Gjithçka fillon duke i kushtuar vëmendje lëkurës tuaj. Nëse vëreni se vuani rregullisht nga puçrrat, ka të ngjarë të keni të bëni me lëkurë të prirur ndaj akneve.
Po aknet e të rriturve – Adult Acne?
Nëse mendoni se adoleshentët ishin të vetmit që duhet të shqetësoheshin për puçrrat, gaboni. Në fakt, sipas AAD, ju mund të vazhdoni të keni puçrra në fytyrë edh në vitet 30, 40 dhe 50, dhe ndonjëherë, mund të përjetoni akne për herë të parë si një i rritur. Këshillat që po ndajmë për menaxhimin e lëkurës së prirur ndaj akneve mund të aplikohen për të gjitha moshat, megjithëse nuk është kurrë e dëmshme të konsultoheni me dermatologun tuaj.
Burimi: Lorealparisusa.com
