Në kohët e sotme, problemet si rënia e flokëve dhe flokët e dobët janë bërë një çështje e zakonshme që shpesh është e vështirë për t'u përballuar emocionalisht. Ka disa arsye që shkaktojnë rënien e flokëve, duke filluar nga keq ushqyerja deri te mungesa e gjumit ose stresi në përgjithësi. Pavarësisht që produkte të reja dhe të avancuara për kujdesjen e flokëve shfaqen shpesh në treg, nuk mund të mohohet se ato nuk përputhen me benefitet e vajrave natyrale. Disa vajra të përbërësve natyralë ndër përfitimet e tjera, promovojnë rritjen dhe forcimin e flokëve. Më poshtë janë disa vajra flokësh që janë të dëshmuar të përmirësojnë flokët, të promovojnë shëndetin, gjatësinë dhe shkëlqimin e tyre.
Vaj Susami
I marrur nga farat e susamit, vaji i susamit është një nga vajrat më të vjetër të përdorur nga njerëzimi për stimulimin e rritjes së flokëve përmes vetive të tij ushqyese, qetësuese dhe ngrohëse. Përdoret gjerësisht për të ndihmuar në trashjen e flokëve, dhe si përfundim në rritjen e flokëve. Ky vaji i lehtë dhe qetësues ndihmon në heqjen e zbokthit dhe vepron si një balsam që rigjallëron, zbut dhe riparon flokët e dëmtuar nga nxehtësia.
Vaj Bhringraj
I referuar gjithashtu si kamomila e rremë, Bhringraj është një barishte e mrekullueshme që i përket familjes së lulediellit. Është shpallur si një nga vajrat më të dobishëm për rritjen e flokëve, ai bën një trajtim të përgjithshëm intensiv të flokëve që parandalon rënien e flokëve, irritimin e kokës, zbokthin dhe thinjat e parakohshme, përveç nxitjes së rritjes së flokëve. Përveç kësaj, ky vaj ka një ndjesi ftohëse e qetësuese dhe ndihmon në parandalimin e infeksioneve të lëkurës së kokës.
Vaji i bajames së ëmbël
Nëse keni flokë të dobët dhe të dëmtuar, atëherë lëndët e fuqishme ushqyese të pranishme në vajin e bajames së ëmbël mund të ndihmojnë në ushqimin e flokëve dhe riparimin e tyre. Vaji është i ngarkuar me acide yndyrore Omega-3, fosfolipide, vitaminë E dhe magnez që ndihmojnë në nxitjen e rritjes së flokëve dhe zbutjen e kutikulave të flokëve, kontrollon rënien e flokëve dhe u jep shkëlqim flokëve të dëmtuar. Masazhet e rregullta të kokës me vaj bajamesh të ëmbël mund të jenë një ritual i dobishëm për t'i shtuar rutinës tuaj të kujdesit për veten.
Vaji i limonit
Vaji esencial i limonit është i shkëlqyeshëm për kujdesjen ndaj zbokthit, e cila është një arsye pse ndodh rënia e flokëve. Vetitë e tij anti-mikrobike dhe anti-bakteriale ndihmojnë në forcimin e gjëndrave të flokëve, kontrollojnë rënien e flokëve dhe i lënë flokët me shkëlqim dhe të freskëta. Ai gjithashtu stimulon rritjen e flokëve dhe parandalon zbokthin e mëtejshëm. Duke qenë një vaj esencial, ai duhet së pari të hollohet me një vaj bartës si vaj kokosi, bajame ose susami përpara se ta aplikoni në flokë.
Vaji i livandës
I përdorur kryesisht si një tonik i lëkurës së kokës, vaji i livandës ndihmon në zbutjen e kruajtjes së kokës, përveç zhbërjes së dëmeve të shkaktuara si rezultat i motit ekstrem ose ndotjes. Vaji esencial i livandës ka veti që mund të gjeneroj rritjen e qelizave të flokëve duke reduktuar stresin. Ai gjithashtu ka veti antimikrobike dhe antibakteriale, të cilat mund të përmirësojnë shëndetin e lëkurës së kokës dhe të flokëve.
Vajrat e flokëve janë një mënyrë e shkëlqyer për të nxitur rritjen e flokëve, për të siguruar kontrollin optimal të rënies së flokëve dhe për të zgjidhur problemet e tjera të flokëve. Për të kuptuar se cili vaj është më i miri për përshpejtimin e rritjes së flokëve tuaj, shikoni përbërësit dhe përfitimet e ofruara dhe hartojeni atë me problemet tuaja të flokëve. Megjithatë, është e këshillueshme që të konsultoheni me mjekun tuaj përpara se të bëni ndryshime në rutinën tuaj të kujdesit të flokëve, për të shmangur çdo përvojë të pakëndshme.
Burimi: swirlster.ndtv.com
