Nëse besoni se dy janë më mirë se një, atëherë ky është trendi i grimit për ju. Veçoritë e eyeliner-it të dyfishtë, e thjeshtë, në vend të një linje të zakonshme, kjo ka dy. Ky look i ndërlikuar i grimit të syve është shumë trendi kohët e fundit dhe mesa duket do të qëndrojë ashtu për një kohë.
Ashtu si trendet tjera të grimit, edhe kjo ka disa mënyra për t'iu qasur. Por nëse aplikimi i eyeliner-it me dorë të lirë ju duket e frikshme, mos u shqetësoni, sepse më poshtë do të gjeni një përmbledhje se si të merrni dy nga aplikimet më të njohura të këtij trendi.
Linja të drejta
Ndoshta mënyra më e thjeshtë për të arritur eyeliner-in e dyfishtë është duke zgjedhur këtë qasje të drejtpërdrejtë.
- Vendosni primerin e syve
Eyeliner-i i lëngshëm është më i lehtë për t'u aplikuar, mirëpo, eyeliner-ët laps ofrojnë më shumë pigmentim. Pra, për këtë pamje, lyejeni sytë me një primer të syve ose vendosni një shtresë të lehtë korrektori në vendin ku do të aplikoni eyeliner-in.
- Aplikoni linjën e parë
Duke përdorur një laps eyeliner, aplikoni linjën e sipërme dhe tërhiqeni drejt qosheve të jashtme.
Për të krijuar një majë të mprehtë, përdorni një brushë lineri me majë, për të tërhequr produktin nga jashtë në fund të linjës. Ju gjithashtu mund të mprehni vijën tuaj duke e pastruar vetëm pjesën e jashtme të linjës.
- Aplikoni linjën e dytë
Duke përdorur të njëjtin laps eyeliner ose një nuancë ndryshe për një dukje unike, filloni nga këndi i jashtëm i vijës së poshtme të qerpikëve dhe krijoni një vijë paralele me linjën e parë, duke lënë pak hapësirë midis tyre.
Zgjateni linjën e dytë pak më larg se ai mbi të për të krijuar një pamje të definuar.
Pastaj, përdorni të njëjtën teknikë që përdorët për linjën e parë, për tu siguruar që linja e poshtme të jetë i mprehtë.
- Definoni grimin me një maskarë
Përfundoni grimin me një maskarë voluminoze.
Eyeliner-i i dyfishtë grafik
Nëse preferoni një pamje më të guximshme, provojeni eyeliner-in grafik.
- Vendosni primerin e syve
Për shkak se do të punoni edhe me eyeliner edhe me hije të syve, aplikimi i primerit është çelësi për t'i bërë ngjyrat sa më të gjalla dhe pamjen sa më të qëndrueshme.
- Aplikoni hijen e syve
Ndërsa eyeliner-i është pjesa më e rëndësishme e këtij trendi të grimit, shtimi i hijeve në nuancë të kundërta me eyeliner-in tuaj do ta bëjë pamjen të shfaqet edhe më shumë.
Nëse do të krijoni eyeliner në një nuancë të thellë, zgjidhni hijen në një nuancë të lehtë ose pastel. Aplikojeni atë në qendër të syve, duke mbuluar qepallat tuaja, dhe shpërndani skajet lehtë me një grusht për hije.
- Aplikoni eyeliner-in e dyfishtë
Nëse preferoni një pamje shumë të mprehtë, mund t'i krijoni të dyja linjat e eyeliner-it me një të lëngshëm. Aplikoni vijën e sipërme dhe mbylleni atë në qoshet e jashtme të syve. Sigurohuni që skajet të jenë të mprehta duke i pastruar me një brushë me majë për eyeliner dhe pak korrektor.
- Aplikoni eyeliner-in grafik
Për të përmirësuar formën e syve tuaj dhe për t'i shtuar një element grafik grimit, përdorni të njëjtin eyeliner për të krijuar një linjë tjetër nën linjave paraprake.
Kjo linjë duhet të shkojë paralelisht me eyelinerin që keni aplikuar paraprakisht dhe duhet të ketë një lakim shumë të lehtë. Shpërndani skajet e linjës në mënyrë delikate duke e kufizuar butësisht me një brushë për eyeliner.
- Definoni grimin me një maskarë
Përfundoni grimin me një maskarë me efekt të zgjatjes së qerpikëve.
Burimi: lorealparisusa.com
