Shtatzënia mund të jetë një kohë shumë emocionuese për nënat e ardhshme, por mund të jetë gjithashtu një kohë kur hormonet e shtatzënisë ndikojnë shumë në lëkurën tuaj.
Disa gra përjetojnë 'shkëlqimin e shtatzënisë', pasi që trupit tuaj që qarkullon më shumë gjak në mënyrë që të furnizojë fëmijën me lëndët ushqyese thelbësore që nevojiten për rritjen e tij. Rritja e qarkullimit të gjakut në fytyrë e bën lëkurën tuaj të duket më e ndritshme dhe rrezatuese. Në anën tjetër disa gra tjera vuajnë më shumë nga njollat dhe lëkura e yndyrshme, megjithatë është e rëndësishme të kuptojmë se këto ndryshime të lëkurës gjatë shtatzënisë janë të gjitha krejtësisht normale. Për t'iu përgjigjur më së miri ndryshimeve në lëkurës gjatë shtatzënisë, përshtatni rutinën tuaj të kujdesit të lëkurës me fazat e shtatzanisë.
Tremujori i 1-rë
Gjatë këtyre muajve fillestarë, lëkura e yndyrshme e prirur ndaj njollave është normale, edhe për gratë që zakonisht nuk kanë njolla. Gjëndra dhjamore, e cila mendohet se shkaktohet nga ndryshimet në nivelet e hormoneve do të jetë më aktive, kështu që është e rëndësishme të pastroni dy herë në ditë për të hequr sebumin e tepërt nga sipërfaqja e lëkurës për të shmangur ndjenjën e 'dhjamosjes ose të djersitjes'.
Tremujori i 2-të
Gjatë tremujorit të dytë, shumë gra përjetojnë atë që shpesh njihet si "maska e shtatzënisë". Maska e shtatzënisë është një rregullim i pigmentit të njohur si melanina, i cili zakonisht shihet si njollë ose errësirë rreth zonave të ballit dhe faqeve. Kjo lidhet me ekspozimin ndaj rrezeve ultravjollcës dhe ndryshimet hormonale gjatë shtatzënisë. Për të parandaluar akumulimin e tepërt të melaninës, është e rëndësishme të shmangni diellin veçanërisht nga 10:00-16:00 dhe të përdorni një SPF.
Vazhdoni rutinën tuaj të pastrimit të pastrimit dy herë në ditë, megjithatë, përdorni një hidratues të lehtë dhe jo të yndyrshëm për të minimizuar yndyrën në fytyrë. Gjatë këtij tremujori, disa gra zbulojnë se njollat e tyre pastrohen, ndërsa disa të tjerave ju shtohen më shumë, megjithatë të jini të qeta pasi që ato zakonisht zhduken pas lindjes.
Tremujori i 3-të
Gjatë tremujorit të tretë dhe të fundit, deri në 90% e grave përjetojnë hiperpigmentim, kështu që shmangia e ekspozimit ndaj rrezeve ultravjollcë kur është e mundur është e rëndësishme. Ato zona që tashmë janë të errëta ose me njolla ka të ngjarë të errësohen më tej për shkak të melanociteve tepër aktive të shkaktuara nga ekspozimi ndaj ultravjollcës dhe që janë gjithashtu të lidhura fort me ndryshimet hormonale.
Edhe pse mund të jeni të frustruar që keni njolla, është e rëndësishme të shmangni përdorimin e ndonjë medikamenti kundër akneve gjatë gjithë shtatzënisë, pasi disa përbërës mund të ndikojnë në zhvillimit të fetusit. Vazhdoni të pastroni fytyrën tuaj në mëngjes dhe në mbrëmje duke vazhduar me një hidratues të lehtë, që përthithet shpejt.
Periudha pas lindjes
Pas shtatzënisë, vazhdoni të hidratoheni çdo ditë për të ruajtur barrierën mbrojtëse të lëkurës tuaj kundër agresorëve mjedisorë si ndotja dhe rrezet UV dhe për të siguruar që lëkura juaj të mbrohet nga rrezet UVA dhe UVB. Në fund të fundit, me të gjitha netët pa gjumë që pa dyshim do të pasojnë pas lindjes së një fëmije, mund t'ju duhet një nxitje për t'ju ndihmuar që lëkura të duket më e mirë. Zakonnisht, hiperpigmentimi (përfshirë "maskën e shtatzënisë") do të zhduket pas shtatzënisë. Zonat që janë tashmë më të errëta, të tilla si njollat që mund të jenë errësuar, ka të ngjarë të mbeten më të errëta për shkak të një numri më të madh të qelizave që prodhojnë melaninë në këto vende. Megjithatë, për disa gra këto nuk zhduken pas lindjes; nëse shqetësoheni, vizitoni dermatologun tuaj.
Burimi: olay.co.uk
