Të njohur edhe si balsamët e njollave dhe balsamët e bukurisë, këto kremra së fundmi kanë pushtuar botën e bukurisë. Pra, çfarë është ky produkt i mahnitshëm? Një balsam për njollat është një hidratues me ngjyrë me përfitime shtesë. Ai përmban SPF, maskon njollat dhe qetëson e hidraton lëkurën, disa versione madje përmbajnë edhe veti kundër plakjes! Në varësi të nevojave tuaja, kremrat BB mund të zëvendësojnë pudrën dhe kremin hidratues, në varësi të llojit të lëkurës tuaj, ju mund ta vendosni atë edhe vetëm!
Historia e BB kremërave
Versioni i parë i kremit BB u zhvillua në Gjermani në vitet 1950 nga dermatologia Christine Schrammek, (e cila ende e shet versionin origjinal në faqen e saj të internetit!) për pacientët e saj pasi ata kishin përfunduar trajtime të fytyrës dhe peeling. Ky BB krem (Blemish Balm) është projektuar për të qetësuar lëkurën duke maskuar skuqjen me ngjyrën e tij. 30 vjet më vonë, BB kremi u prezantua në tregun korean, më pas u bë shpejt i njohur në të gjithë Azinë. Të famshmit koreanë u fiksuan pas produktit, duke ia atribuar atë lëkurës së tyre të përsosur dhe e quajtën atë një "krem mrekullibërës".
Si funksionojnë BB kremërat
Në thelb, kremrat BB ofrojnë mbrojtje të fortë nga dielli, parandalojnë puçrrat, mbulojnë papërsosmëritë dhe përmbajnë veti qetësuese e kundër plakjes. Ato gjithashtu parandalojnë shkëlqimin. Më parë BB kremi disponohej vetëm në një nuancë, gjë që e bënte atë të papërshtatshëm për tregun amerikan. Disa varietete koreane madje përmbajnë agjentë zbardhues! Markat më të njohura në Kore janë Missha dhe Dr. Jart+, dhe kremrat BB kanë edhe korridorin e tyre në farmacitë aziatike.
BB kremërat e reja
Në mënyrë që kremi BB të dilte në tregun e SHBA-së, ai duhej të zhvillohej në një mori nuancash të ndryshme, por megjithatë, të përmbajë të gjitha përfitimet e bukurisë. “BB kremi është perfekt për një grua të zënë”, thotë dermatologu nga New York City dhe Miami, Fredric Brandt, i cili do të publikoj versionin e tij së shpejti. "Ka mbrojtje me spektër të gjerë që është miratuar nga FDA, zbut dhe hidraton lëkurën, maskon njollat dhe ka veti kundër plakjes. Në thelb, është një hidratues, krem kundër plakjes, krem kundër diellit, primer dhe fondatinë të gjitha në një. Një ngjyrë vetë-rregulluese që funksionon për femrat e të gjitha nuancave të lëkurës!
Pra, a është kremi BB i duhuri për ju? Nëse dëshironi mbulim që ndriçon, zbut, hidraton, siguron mbrojtje ndaj rrezeve UV dhe ka veti kundër plakjes, atëherë sigurohuni që të shtoni BB kremin në arsenalin tuaj të bukurisë.
Burimi: Beautylish.com
