Udhëzues hap pas hapi për aplikimin e produkteve të flokëve
Sigurisht, ne e dimë se shampoja vjen para kondicionerit dhe llaku i flokëve vjen i fundit, por kurrë nuk jemi plotësisht të sigurt se çfarë ndodh në mes. Jacqueline Bush, e cila punon me Katie Couric dhe Gwyneth Paltrow, na tregon mendimin e saj për aplikimin e produkteve sipas rendit të duhur. Edhe nëse kaloni disa hapa, kjo sekuencë e përgjithshme do t'ju ndihmojë të përfitoni sa më shumë nga rutina e kujdesit të flokëve.
- Trajtimi i skalpit
Bush i pëlqen vajrat e flokëve. "Ato ndihmojnë produktet e tjera të funksionojnë më mirë dhe japin pak ngritje shtesë në rrënjë," thotë ajo. Aplikojeni dhe lëreni të qëndrojë në lëkurën e kokës për disa minuta përpara se ta shpëlani.
*SHËNIM: Ky hap duhet të jetë i pari, por vetëm një herë në javë.
- Shampoja
Zgjidhni një formulë të përshtatshme për llojin tuaj të flokëve (kundër elektrizimit, për flokë të ngjyrosur, për më shumë volum, etj.) “Filloni duke larë kokën me shampo; Duke e pastruar dhe stimuluar, pjesa tjetër e shampos do të funksionojë natyrshëm nëpër flokët tuaj”, thotë Bush. Sigurisht, shumë ekspertë sugjerojnë larje me shampo vetëm disa herë në javë, që do të thotë se thjesht mund të shpëlaheni dhe të kaloni në hapin 3.
- Kondicioneri
Për shkak se markat dizajnojnë formula për të punuar së bashku, për rezultate më të mira, blini kondicionerin që shkon me shampon tuaj. Me kondicioner, filloni nga majat dhe vazhdoni lart derisa të arrini tek rreth tre të katërtat e gjatësisë së flokëve tuaj. Më pas shpëlajeni. Bush rekomandon mbajtjen e kondicionerit larg nga skalpi. “Mund të bëjë që flokët të bien të sheshtë, veçanërisht nëse keni flokë të hollë”, thotë ajo.
- Produktet stiluese
Më pas, aplikoni produktin tuaj të preferuar të stilimit, xhel, krem stilues, zbutës, etj. “Filloni në bazën e kokës (në pjesën e qafës), duke shmangur rrënjët dhe përpunojeni produktin drejt skajeve”, sugjeron Bush.
- Produktin për zbutje ose kundër elektrizimit
Nëse do të thani flokët me tharëse, filloni pas hapit 4. Kur flokët tuaj janë rreth 40-50% të thatë, është koha më e mirë për të shtuar një trajtim për zbutje ose kundër elektrizimit nëse dëshironi. “Ju duhet vetëm një sasi e vogël produkti. Nëse aplikoni kur i keni flokët e lagur, mund të gjykoni gabim se sa produkt ju nevojitet dhe mund të përfundoni me flokë të yndyrshëm. Nëse prisni derisa të thahen pak, do të keni më pak gjasa që të aplikoni më shumë produkt”, thotë Bush.
- Produkti përfundimtar
Kur të mbaroni tharjen, shtoni një serum shkëlqimi, pomade teksturuese dhe/ose llak flokësh. Kaq ishte!
Burimi: Beautylish.com
