Është një police e re nga Montana në qytet – apo të paktën një police nderi.
Pas marrjes së përgjegjësisë të respektimit të kufizimit të shpejtësisë në muajin e kaluar, gjyshja nga Montana Patti Baumgartner është emëruar “ushtare e nderit” për përpjekjet e saj për të ngadalësuar veturat që ngasin me shpëjtësi të madhe në mënyrë që t’i mbaj rrugët e qytetit të sigurta.
Përpjekjet e Baumgartnerit janë dokumentuar në muajin e kaluar, kur fotot u shfaqën në media shoqërore të saj duke e mbajtur një tharëse të bardhë për flokë përgjatë rrugës në Polson, Montana, në përpjekjen për t’i bërë shoferët e veturave që të ngadalësojnë. Shpresa, në bazë të radios lokale 8KPAX, ishte se ngasësit do të ngatërronin tharësen për flokë me matësin e shpejtësisë dhe kështu do të reagonin duke tërhequr këmbëzën e gazit.
Përpjekjet e Baumgartnerit për të rritur sigurinë në trafik nuk është se ishin të pavërejtshme. Më 20 gusht, policja patrolluese e autostradës së Montanas, Noah Pesola, kishte cicërruar në profilin e saj në Twitter që e kishte gjetur Baumgartneren dhe e kishte falenderuar për përpjekjet e saj, me një kapelë fushate, një gexh ngjitës dhe me një titull “ushtarja e nderit.”
“Mendova se kjo gjë ishte diçka e mahntishme,” shpjegoi Pesola për radion 8KPAX. “Mendoj se çështja e tejkalimit të shpejtësisë në Montana është një gjë serioze dhe kam menduar se ishte një ide madhështore kreative për publikun që të provojnë dhe ta luftojnë duke mos i bërë njerëzit shumë të hidhëruar.”
Në vitin 2018, numri i vdekjeve në fatkeqësi komunikacioni në autostradat e Montanas ka rënë për të tretin vit rradhazi, që shënon edhe numrin më të ulët në gati shtatë dekadat e kaluara.
Por Montana ende ka rrugë që janë të rrezikshme për ngasësit. Në vitin 2018, një raport i bërë nga Instituti Hulumtues i Transportit, pranë Universitetit të Michiganit ka gjetur se Montana ka shkallën e tretë më të lartë të vdekjeve nga fatkeqësitë në komunikacion në krahasim me të gjitha shtetet e tjera, më konkretisht 21.7 vdekje për 100,000 banorë. Kjo shkallë, bazuar në të dhënat e vitit 2015, ishte tejkaluar vetëm nga shtetet e Mississippit dhe Wyomingut.
Burimi: time.com
