Eyeliner-i "cat eye" është një teknikë që lë shumë njerëz të ndjehen të mposhtur. Është sfiduese ta aplikoni, dhe e njëjta metodë e aplikimit nuk do të funksionojë për çdo person. Sekreti? Njohja e formës së syve tuaj. Gjithçka që ju nevojitet është ky udhëzues i thjeshtë dhe një dorë e qëndrueshme. Nëse mendoni se "cat eye" nuk ju përshtatet juve, mendoni përsëri!
SY TË KTHYER POSHTË 
Një "cat eye" funksionon shumë mirë për këtë formë sysh. Kapakët e jashtëm të rrumbullakosur mund të krijojnë një linjë që përmirësohet vetëm nga një vijë e theksuar. Ky është truku: në vend që të ndiqni formën e syve, zgjidhni pikën ideale ku dëshironi të filloni linjën dhe lidheni atë me linjën tuaj të sipërme dhe më pas lidheni në fund të kapakut tuaj të poshtëm. Ky është një "cat eye" më i trashë me një pamje trekëndore që i bën sytë të duken të ngritur. Për ngritje edhe më të madhe, përdorni një laps me ngjyrë lëkure në cepin e jashtëm të syve për të fshehur çngjyrosjen.
SY TË KTHYER LARTË 
Është e vështirë të gabosh me këtë stil në këtë formë sysh natyrale. Kur sytë kthehen lart në skaje, kapaku i poshtëm zakonisht duket më i gjatë se i sipërmi, duke e bërë një "cat eye" të zgjatur një mënyrë të përsosur për të balancuar formën. Mbajeni linjën e hollë, ndiqni formën natyrale të syrit tuaj dhe zgjateni atë në fund.
SY TË LËSHUAR 
Mund të duket e kotë të përpiqeni të krijoni një vijë të qartë në kapakë që mbulojnë natyrshëm punën tuaj të palodhur. Për fat të mirë, një sy mace fokusohet në cepin e jashtëm të syrit, dhe kjo duhet të jetë gjithashtu pika juaj e fokusit. Vizatoni sytë duke ndjekur vijën e qerpikëve, por mos kini frikë të zgjateni lart dhe jashtë në fund. Kapaku i lëshuar forcon pamjen, por fokusi i vërtetë është në atë linjën e zgjatur. Ndjehuni të lirë ta vizatoni atë të trashë dhe ta lidhni me kapakun tuaj të poshtëm.
MONOLID 
Një monolid është një qepallë e sipërme që nuk ndahet në dy pjesë, në krahasim me një qepallë që palohet. Një "cat eye" mund të përmirësojë një monolid në mënyrë dramatike dhe bukur kur bëhet siç duhet. Për shkak të mënyrës se si varet lëkura në kapak, linja duhet të vizatohet në një trashësi shumë të madhe që të jetë e dukshme kur syri është i hapur. Sytë monolidë në përgjithësi kanë një formë të bukur të përmbysur, e cila i përshtatet shumë teknikave të eyeliner-ve të zgjatur.
SY TË SPIKATUR 
Nëse grimohen gabimisht, sytë e mëdhenj dhe me kapak të rëndë mund të duken sikur janë të fryrë. Zbusni këtë pamje me një "cat eye" më të trashë dhe mos kini frikë të përdorni pak hije në kapakët e sipërm dhe të poshtëm për një pamje më "smokey" që do të zbusë formën dhe do t'ju japë sy magjepsës.
SY TË THELLË 
Sytë në përgjithësi mund të duken më të vegjël me këtë formë, por kjo mund të rregullohet me hije. Mbajeni "cat eye" tuaj të hollë përgjatë bazës së qerpikëve për ta bërë kapakun e sipërm të duket i plotë dhe përdorni një hije më të errët poshtë për të krijuar definimin e kapakut të poshtëm për ta balancuar atë.
Burimi: Beautylish.com
