Të gjithë e dimë efektin e kafeinës për të na zgjuar nga gjumi në mëngjes, por a e dini se ajo kur përdoret në rutinën e kujdesit të lëkurës dhe aplikohet në mënyrë topike, mund të ketë përfitime gjithashtu? Nuk përfshihet kot në produktet e kujdesit të lëkurës si kremrat e syve. Pra, këtu, ne po ndajmë atë që kafeina bën për lëkurën.
Çfarë i bënë kafeina lëkurës tuaj?
Ju ndoshta keni dëgjuar për kremrat e syve ose produktet me kafeinë kundër celulitit në formulimet e tyre dhe kjo do të ketë kuptim. Sipas Qendrës Kombëtare për Informacionin e Bioteknologjisë (NCBI), kafeina është në mënyrë efektive në gjendje të depërtojë në lëkurë dhe jo vetëm stimulon degradimin e yndyrave, por gjithashtu parandalon akumulimin e tepërt të yndyrës në qeliza. Me fjalë më të thjeshta, kafeina punon për të parandaluar dhe trajtuar inflamacionin. Inflamacioni shpesh shfaqet në lëkurë si rrathë poshtë syve, prandaj ky përbërës përdoret në kaq shumë kremra për sytë.
NCBI gjithashtu thekson se kafeina ka veti antioksiduese që ndihmon në ngadalësimin e fotoplakjes (plakjen e lëkurës për shkak të dëmtimit UV) dhe rritjen e qarkullimit të gjakut në lëkurë. Promovimi i qarkullimit të gjakut mund të ndihmojë në zvogëlimin e shfaqjes së rrathëve të errët të enëve të gjakut që mund të vijnë nga grumbullimi i gjakut nën sy. Duke marrë parasysh që kafeina trajton shkaqet e rrathëve të errët, nuk është çudi pse është një përbërës popullor edhe në serumet e syve.
Burimi: L'Oréal
