Për të gjithë ata njerëz që preferojnë dushet e natës ndaj dusheve të mëngjesit: ky është për ju.
Nëse bëni dush gjatë natës, sipas të gjitha gjasave shpesh herë flini me flokë të lagur. A keni menduar ndonjëherë nëse ka pasoja fjetja me flokë të lagur, apo nëse ka një mënyrë të duhur për të fjetur me flokë të lagur, si p.sh. me gërsheta? Nëse kjo pyetje dhe të tjera si këto ju kanë shkuar ndonjëherë në mendje, ne jemi këtu për të ndarë disa përgjigje. Vazhdoni të lexoni për të mësuar se çfarë mund të ndodhë kur flini me flokë të lagur.
A është keq të flini me flokë të lagur?
Sigurisht shpesh e keni dëgjuar nënën ose gjyshen t'ju thotë të mos dilni jashtë me flokë të lagur nga frika se mos ftoheni, por ç'të themi për fjetjen me flokë të lagur? Sipas një studimi nga Qendra Kombëtare për Informacionin Bioteknologjik (NCBI), besimi se ftohja e zakonshme mund të shkaktohet nga flokët e lagur, në fakt, nuk është gjë tjetër veçse një mit. Pra, me pak fjalë, gjumi me flokë të lagur nuk do t'ju bëjë të sëmureni.
A shkakton dhimbje koke gjumi me flokë të lagur?
Një tjetër besim i zakonshëm është se gjumi me flokë të lagur mund të rezultojë në dhimbje koke. NCBI zbulon se ka disa kërkime që sugjerojnë se flokët e lagur në mot të ftohtë mund të jenë një faktor formësues për dhimbjet e kokës nga sinuset. Gjithësesi, duhet bërë më shumë kërkime. Megjithatë, kur dyshoni, është më mirë të thani flokët përpara se të shkoni për të fjetur.
A mund t'i dëmtoni flokët gjatë gjumit?
Nëse keni nevojë për një arsye të mirë për të mos fjetur me flokë të lagur, le të jetë fakti që ai ka potencialin të jetë super i dëmshëm për fijet tuaja. Flokët tuaj janë në gjendjen e tyre më të brishtë kur janë të lagur. Akademia Amerikane e Dermatologjisë (AAD) thotë se flokët e lagur duhet të trajtohen sa më pak të jetë e mundur, sepse flokët e lagur thyhen më lehtë se flokët e thatë. Kjo do të thotë se disa rrotullime të thjeshta gjatë gjumit ose fjetja në një këllëf të ashpër mund të shkaktojnë thyerje dhe maja të dyfishta.
Për shkak të gjendjes së brishtë të flokëve të lagur, AAD rekomandon t'i lini flokët të thahen pjesërisht në ajër përpara se t'i stiloni ose krehni. Ky sugjerim duhet të zbatohet edhe për fjetjen me flokë të lagura. Nëse nuk doni të hiqni dorë nga dushi i natës, merrni parasysh të lini disa orë midis dushit dhe kohës së gjumit për t'i dhënë kohë flokëve tuaj të thahen, ose provoni të përdorni një tharëse flokësh (me një mbrojtës ndaj nxehtësisë, sigurisht) për t'i tharë flokët dhe përshpejtoni procesin.
A rezulton në nyje dhe ngatërrime gjumi në flokë të lagur?
Disa nyje mund të mos jenë aq shqetësuese sa të sëmureni ose të dëmtoni flokët tuaj, por është një shqetësim kur bëhet fjalë gjumin me flokë të lagur dhe ka disa pasoja serioze. Nëse keni tendencë të lëvizni shumë gjatë gjumit, flokët me nyje sigurisht që mund të jenë rezultat dhe kjo mund të çojë në tërheqje dhe fërkime që mund të shkaktojnë thyerje të flokëve. Shkrehja e atyre nyjeve të ashpra nga flokët tuaj çdo mëngjes mund të rezultoj gjithashtu në thyerje sepse një brushë flokësh tërheq fijet.
Burimi: Lorealparisusa.com
