Le ta pranojmë: rrudhat janë një pjesë e natyrshme e jetës dhe të gjithë do t'i kemi. Pra, pavarësisht nëse keni zbuluar rrudhën tuaj të parë të hollë ose keni mbajtur me krenari disa rrudha, nuk është kurrë vonë të përfshini zakone më të mira kundër plakjes.
Rrudhat e reja mund të rrjedhin nga thatësia, ekspozimi në diell, prishja e kolagjenit dhe gjenetika, për të përmendur disa. E gjithë kjo do të thotë se është koha për të vlerësuar zakonet tuaja të jetesës dhe për të çuar rutinën tuaj të kujdesit të lëkurës në nivelin tjetër.
Më poshtë janë disa këshilla dhe sugjerimet të produkteve për ta mbajtur lëkurën tuaj të shëndoshë, të hidratuar dhe me shkëlqim në çdo moshë.
Pini ujë
Sigurisht, kjo këshillë nuk është lajm për ju. Por, ndonjëherë është kaq e lehtë të anashkalosh mbi 8 gota në ditë, sepse ne jemi ~shumë të zënë~ dhe kafet kanë më shumë shije. Por rralloni pijet me kafeinë (të cilat mund të dehidratojnë dhe pengojnë prodhimin e kolagjenit) dhe pini më shumë ujë. Ndonjëherë uji është gjithçka që ju nevojitet për të trajtuar rrudhat e lidhura me dehidratimin e lëkurës! Pra, kapni një shishe dhe angazhohuni vërtet.
Shmangni pecetat e grimit
E di që janë të përshtatshme, por fërkimi i tepërt i shoqëruar me teksturën e fshirjes mund të krijojë çarje të vogla (microtears) në lëkurën tuaj. Kjo gradualisht dobëson barrierën mbrojtëse të lëkurës, duke çuar në plakje të parakohshme. Këto peceta nuk po i bëjnë favor as mjedisit.
Në vend të kësaj zgjidhni balsam të butë, që heqin grimin. Konsistenca me gjalpë shkrin grimin, kremin mbrojtës kundër diellit dhe mbetjet e ndotjes, duke e lënë lëkurën të freskët dhe gati për kujdesin e lëkurës.
Rutinë e re e kujdesit për sytë
Për shkak se lëkura rreth syve tuaj është e hollë dhe delikate, ajo është më e ndjeshme ndaj humbjes së kolagjenit. Kushtojini vëmendje shtesë nën syve tuaj duke aplikuar një krem hidratues për sytë çdo mëngjes dhe mbrëmje.
Asnjëherë mos e anashkaloni serumin e injektuar me peptide
Sigurohuni që po merrni një dozë ditore të peptideve nga serumi juaj përpara se të filloni shtresimin me vajra, kremra dhe hidratues. Peptidet janë aminoacide që mund të ngadalësojnë në mënyrë drastike procesin e plakjes së lëkurës. Jo të gjithë serumet e peptideve janë krijuar të barabartë, kështu që shikoni listën e përbërësve për këto peptide kryesore kundër plakjes: matricsyl, tripeptide bakri, argireline, acetil hexapeptide-8 dhe acetil octapeptide-3.
Kaloni në një krem të mirë fytyre
Hidratuesit bazik nuk do funksionojnë mjaftueshëm më. Ndërsa shfaqen linjat e holla dhe rrudhat, përbërësit e mëposhtëm janë kyç në kremin tjetër që shtoni në shportë: acidi hialuronik dhe antioksidantët. Acidi hialuronik është më i njohur për tërheqjen e lagështirës dhe zbutjen e lëkurës, ndërsa antioksidantët e lëmojnë, forcojnë dhe ushqejnë thellësisht.
Aplikoni krem mbrojtës kundër diellit, në shi e diell
Nuk diskutohet, ju duhet të mbani krem mbrojtës kundër diellit çdo ditë. Në fakt, rekomandohet që të gjithë mbi 6 muajsh ta mbajnë atë për të shmangur kancerin e lëkurës. Rrezet ultraviolet të diellit depërtojnë në lëkurë duke dëmtuar fibrat e kolagjenit dhe elastinës, të cilat mund të përshpejtojnë në mënyrë drastike shkallën me të cilën ne zhvillojmë rrudhat. Edhe kur dielli duket se nuk është jashtë, rrezet UV ende mund të depërtojnë nëpër re.
Burimi: Beautylish.com
